学习啦
我地学风水玄学既人，不但对风水﹑生辰八字、命相等术数感兴趣，对灵界方面既野，亦都充满好奇。
记得有一次，同大师兄匡正及大师姐白如雪一齐饮咖啡既时候，大伙閒话家常，讲讲下，又讲到玄学方面，今次仲讲到灵界怪事添。
师傅白鹤鸣先生睇风水咁多年，接触过唔少呢类个案或故事。而今次大师姐就讲下风水玄学中既「天眼」。
大师姐话，开「天眼」，一般指，可以睇见「神灵、阴魂」。而「天眼」又唔同「天眼通」。得到「天眼通」，就可以睇见千里万里以外既任何野，比电视更利害，由于电视睇到既，都要有荧幕﹑要拍摄﹑要借各种仪器黎运作，但「天眼通」更神奇，可以穿梭世界任何一个地方。
最近有一套电视剧，叫「降魔的」，内裡有一个精灵叫做「石敢当」，而佢就帮主角「马国明」开天眼，令佢可以睇见灵体。
咁问题就黎勒，由于自从「马国明」开天眼之后，成日见到阴灵，但就未见到神灵。咁样，跟开天眼既状况唔同，我感觉应该叫做「开鬼眼」比较适合。
我问大师姐风水玄学有无话「开鬼眼」呢样野，大师姐话，并无「开鬼眼」呢个玄学名字，但「降魔的」果个「石敢当」帮「马国明」开天眼后，见亲都系阴灵，咁就话佢「开鬼眼」先适合勒。
我同大师姐白如雪既见解一样——凡系搅过唔知乜野，之后成日睇见阴灵，就应该叫「开鬼眼」，绝对唔应该叫做「开天眼」。
